چین کی جانب سےمختلف ممالک کو سی پیک کے تحت تعمیر و ترقی کے سفر میں شامل ہونے کی دعوت۔

چین کی وزارت خارجہ کے ترجمان ژاؤ لیجیان نے تمام ممالک اور بین الاقوامی تنظیموں کو ملک کے انقلاب آفریں بیلٹ اینڈ روڈ انیشی ایٹو کے فلیگ شپ پراجیکٹ سی پیک کی ترقی میں حصہ لینے پر خیرمقدم کرنے کے عزم کا اظہارکیا ہے۔ انہوں نے مزید کہا کہ بی آرآئی کے ایک اہم پائلٹ پراجیکٹ کی حیثیت سے سی پیک ایک موثر اور جامع منصوبہ ہے جو وسیع مشاورت کے اصولوں پر مبنی ہے۔ انہوں نے مزید کہا کہ تمام ممالک اور بین الاقوامی تنظیموں کے لئے دعوت عام ہے کہ وہ اتفاق رائے کی بنیاد پر سی پیک کی تعمیر میں حصہ ڈالیں اور بی آر آئی تعاون کے فوائد سے استفادہ حاصل کریں۔