چین کی جانب سے ”ون چین پالیسی” کے لئے پاکستان کی حمایت خوش آئیند قرار.

چین اور پاکستان سدا بہار تزویراتی تعاون پر مبنی شراکت دار ہیں اور باہمی مفادات کے معاملات میں وہ ہمیشہ ایک دوسرے کی حمایت کے لئے اٹھ کھڑے ہوجاتے ہیں۔ پاکستان نے ‘ون چین پالیسی کے بارے میں اپنی بھرپور حمایت کا اظہار کیا ہے۔ وزیر خارجہ شاہ محمود قریشی نے چینی وزیر خارجہ وانگ ژی سے ٹیلیفونک گفتگو کرتے ہوئے ہانگ کانگ ، تائیوان ، تبت اور سنکیانگ سمیت چین کے بنیادی مفاد پر چین کی بھر پور حمایت کا اعادہ کیا۔ چینی وزیر خارجہ وانگ ژی نے ہانگ کانگ کے قومی سلامتی کے قانون اور علاقائی استحکام کو فروغ دینے کی کوششوں کے لئے پاکستان کی حمایت کو شاندار الفاظ میں سراہا۔ چینی وزیر خارجہ نے سی پیک کی اہمیت کو اجاگر کرتے ہوئے کہا کہ سی پیک کے دوسرے مرحلے سے پاکستان کی سماجی و اقتصادی ترقی تیز ہوگی۔