چین کے معروف طبی ادارہ کی کووڈ ۔19 ویکسین ٹیسٹ کے لئے پاکستان کو دعوت۔

چین میں سرکاری سطح پر چلنے والی صحت کی دیکھ بھال سے منسلک تنظیم چائنا سونوفرم انٹرنیشنل کارپوریشن نے کووڈ-19 کا مقابلہ کرنے کے لئے ایک ویکسین تیار کی ہے اور پاکستان میں کلینیکل ٹرائلز کے انعقاد میں نیشنل انسٹی ٹیوٹ آف ہیلتھ (این آئی ایچ) اسلام آباد کو تعاون کرنے کی پیش کش کی ہے۔ اگر اس پر اتفاق کیا گیا توپاکستان کووڈ 19 ویکسین کے اجراء کے لئے پہلے چند ممالک میں شامل ہوگا۔ این آئی ایچ نے پاکستان میں ویکسین ٹرائل کی تجویز زیر غور ہونے کی جانب اشارہ کیا ہے اور امید ظاہر کی ہے کہ اس مخصوص شعبے میں چین کے ساتھ تعاون پاکستان کے لئے نہایت اہمیت کا حامل ہوگا۔