گوادر بندرگاہ وسط ایشیاء کے لئے نہایت ہی اہمیت کا حامل

چائینہ- پاکستان اقتصادی راہداری وسط ایشیاء میں آباد وسطی ایشیائی ممالک کی سماجی و اقتصادی ترقی کے لئے کئی مواقع فراہم کرتا ہے۔ سی پیک کے تحت تیار کیے جانے والےپاکستان کے گوادر بندرگاہ کی مدد سے وسط ایشیائی ممالک علاقائی تجارت اور رابطہ کاری کو زیادہ سے زیادہ فروغ دے سکتے ہیں۔ اس کے ساتھ ساتھ وہ خورگوس – گوادر محور کو استعمال کرکے جنوبی ایشیاء ، مشرق وسطیٰ ، افریقہ اور بحر الکاہل کے خطے کے ساتھ تجارت کرسکیں گے۔ لہذا گوادر میں شمولیت سے ان کو پائیدار معاشی نمو اور علاقائی رابطہ کاری کو فروغ دینے میں مدد ملے گی۔