گوادر بندرگاہ پاکستانی برآمدات میں اضافے کے ساتھ ساتھ روزگار کے مواقع پیدا کرنے کے لئے نیک شگون۔

An aerial view of the Gawadar Port.

ذرائع ابلاغ سے گفتگو کرتے ہوئے سی پیک اتھارٹی کے ایک عہدیدار نے کہا ہے کہ سی پیک کے تحت صنعتی یونٹ پاکستان کی برآمدات میں اضافہ کریں گے۔ انہوں نے مزید کہا کہ گوادر پورٹ فری زون فیز 1 جو 60 ایکڑ اراضی پر مشتمل ہے پہلے ہی 46 سرمایہ کاروں کو راغب کرچکا ہے جبکہ 12 فیکٹریاں قائم کی جاچکی ہیں۔ انہوں نے مزید کہا کہ 2,200 ایکڑ پر مشتمل فری زون فیز 2 اس سال ستمبر تک مکمل ہوجائے گا اور اس سے زیادہ سے زیادہ ملکی و غیر ملکی سرمایہ کاری کو راغب کرنے میں مدد ملے گی۔ مزید برآں ان کا کہنا تھا کہ بندرگاہ نے گزشتہ دو سالوں میں 12,000 ملازمت کے مواقع پیدا کیے ہیں۔