گورنر پنجاب پاک چین اقتصادی و تجارتی تعلقات کو مستحکم کرنے کے لئے پُر عزم۔

گورنر چوہدری سرور نے گورنر ہاؤس میں پاکستان چین جوائنٹ چیمبر آف کامرس اینڈ انڈسٹری کے زیر اہتمام منعقدہ کانفرنس سے خطاب کرتے ہوئے چینی فریقین کی تجاویز پر غور کرنے کے عزم کا اظہار کیا ہے جوپاک چین اقتصادی اور تجارتی تعلقات کو مزید مضبوط بنانے کے لئے معاون ثابت ہوں گے۔ انہوں نے بین الاقوامی سیاسی اور اقتصادی منظرنامے میں چین کے موجودہ موقف کی تعریف کرتے ہوئے کہا کہ علاقائی رابطہ سازی کے خواب کو پورا کرنے کے لئے پاکستان کی کوششوں میں چین پاکستان کی اولین ترجیح ہے۔ صدر پی سی جے سی سی آئی ، ایس ایم نوید نے کہا کہ پاکستان تیل کی تلاش اور ترقی ، بجلی کی پیداوار ، ٹیکسٹائل وغیرہ کے شعبوں میں سرکاری اور نجی چینی شعبے کے بڑھتے ہوئے کردار کو مدنظر رکھتا ہے اور سی پیک کے فریم ورک کے تحت مستقبل کےمختلف امکانات کو خاص طور پر ملحوظِ نظر رکھتا ہے۔