وزیرمنصوبہ بندی احسن اقبال سے چینی سفیر نونگ رونگ کی ملاقات، سی پیک منصوبوں پر گفت و شنید

وفاقی وزیر برائے منصوبہ بندی و ترقی پروفیسر احسن اقبال سے چینی سفیر نونگ رانگ نے ملاقات کی جس میں سی پیک منصوبوں پر بات چیت کی گئی۔اس موقع پر وفاقی وزیر نے کہا کہ پاکستان کی بھرپور مدد کرنے کے عزم پر صدر شی جن پنگ کا شکریہ ادا کرتے ہیں ،سی پیک حکومت کی اولین ترجیح ہے،ایم ایل ون ریلوے منصوبہ سی پیک کا فلیگ شپ پروجیکٹ ہے۔ وفاقی وزیر نے ایم ایل ون منصوبے کے لئے چین کی طرف سے کمپنیاں جلد نامزد کرنے پر زور دیا۔