آرمی چیف کی چینی سفیر سے ہونے والی ملاقات میں دفاعی تعاون اورسی پیک سے متعلق امور پر تبادلہ خیال

پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق پاکستان میں تعینات چین کے سفیر نونگ رونگ نے جی ایچ کیو راولپنڈی میں چیف آف آرمی اسٹاف (سی او اے ایس) جنرل قمر جاوید باجوہ سے ملاقات کی۔اس ملاقات میں باہمی دلچسپی کے امور، دفاعی تعاون اور چین پاکستان اقتصادی راہداری (سی پیک) پر پیشرفت اور علاقائی سلامتی سے متعلق امور پر تفصیلی تبادلہ خیال کیا گیا۔پاک فوج کے سربراہ نے اس موقع پر کہا کہ پاکستان عالمی اور علاقائی معاملات میں چین کے کردار کو قدر کی نگاہ سے دیکھتا ہے اوراپنی اسٹریٹجک شراکت داری کو مزید مستحکم کرنے کا خواہاں ہے۔