اے پی سی او وائی ایف کی صدر نے پاک چین تعلقات کو مستحکم کرنے میں چینی سفیر نونگ رونگ کے کردار کو خوش آئند قرار دیا

آل پاکستان چائنیز اوورسیز یوتھ فیڈریشن (اے پی سی او وائی ایف) کی صدر عاصمہ اسماعیل نے پاکستان اور چین کے درمیان تعلقات کو بہتر بنانے میں چینی سفیر نونگ رونگ کی خدمات کو سراہتے ہوئے کہا ہےکہ ان کی کاوشوں سے پاک چین دوستی اور سفارتی تعلقات مزید مضبوط اور مستحکم ہوئے ہیں۔ ان خیالات کا اظہار انہوں نے عوامی جمہوریہ چین کے سفارتخانے کے زیر اہتمام چینی سال نو کی خصوصی تقریب کے موقع پر کیا۔ مزید برآں، انہوں نے چینی سفیر سے ملاقات کی اور پاکستان اور چین کے درمیان تعلقات کو مزید مضبوط بنانے سے متعلق پر تبادلہ خیال کیا۔