برطانیہ کے سرمایہ کاروں نے علامہ اقبال انڈسٹریل سٹی میں صنعتی یونٹ لگانے میں دلچسپی ظاہر کر دی۔

فیصل آباد چیمبر آف کامرس اینڈ انڈسٹری (ایف سی سی آئی) کے سابق ایگزیکٹو ممبر کے ساتھ منعقدہ اجلاس میں پنجاب میں برطانیہ کے نمائندے ایلیکس بالنگر نے کہا ہے کہ برطانوی سرمایہ کار ایم تھری انڈسٹریل سٹی اور علامہ اقبال انڈسٹریل سٹی میں ہائی ٹیک بزنس یونٹس قائم کرنے کے خواہاں ہیں۔انہوں نے مزید کہا کہ دونوں ممالک باہمی تجارت کو بڑھانے کی کوشش کر رہے ہیں اور مقامی سرمایہ کاروں کو تمام ضروری سہولیات فراہم کی جا رہی ہیں جو مشترکہ منصوبے شروع کرنا چاہتے ہیں۔ ایف سی سی آئی کے سابق ایگزیکٹو ممبر نے مزیدکہا کہ دونوں ممالک کے درمیان مشترکہ منصوبوں سے نہ صرف برآمدی سرپلس کی پیداوار بڑھے گی بلکہ بے روزگار نوجوانوں کے لیے روزگار کے مواقع بھی پیدا ہوں گے۔