بلوچستان کو معاشی طور پر مستحکم کرنے کے لئے سی پیک منصوبہ کو ترقی کی راہ پر گامزن کرنا ناگزیر۔۔۔۔۔

وزیراعلٰی بلوچستان کے معاون خصوصی رامین حسنی نے سی پیک منصوبہ کو ترقی کی راہ پر گامزن کرنے میں صوبائی اور وفاقی حکومت کی کاوشوں کو خراجِ تحسین پیش کیا ہے۔اس دوران انہوں نےچینی سفیر کےحالیہ بلوچستان کے دورے کے دوران صوبے کی سماجی فلاح و بہبود اور معاشی ترقی کے لئے اٹھائے گئے اقدامات کا خصوصی تذکرہ کرتے ہو ئے کہا کہ چین کی خصوصی مدد سے بلوچستان کی صوبائی حکومت نوجوانوں کو آگے بڑھنے کے مواقع فراہم کرنے کے لئے تعلیم کے شعبے پر خاص توجہ دے رہی ہے جس کے مستقبل میں دوررس نتائج برآمد ہونگے۔