بیرون ممالک پاکستانی مشنز کو سی پیک کے خصوصی اقتصادی علاقوں کو فروغ دینے کے لئے کردار ادا کرنےکی ہدایت۔

سی پیک کے تحت فیصل آباد انڈسٹریل اسٹیٹ ڈویلپمنٹ اینڈ مینجمنٹ کمپنی (ایف آئی ای ڈی ایم سی) کے زیرِ انتظام اہم ترجیحی خصوصی اقتصادی علاقہ علامہ اقبال انڈسٹریل سٹی (اے آئی آئی سی) میں غیر ملکی سرمایہ کاروں کو راغب کرنے اور مختلف ممالک کی ممکنہ منڈیوں کی تلاش کے ذریعے سے پاکستان کی برآمدات کے حجم کو بڑھانے کے لئےحکومت نے مختلف ممالک میں پاکستانی مشنز کےتجارتی حکام کو ہدایت جاری کیں ہیں۔ ایف آئی ای ڈی ایم سی کے سربراہ میاں کاشف نے بتایا ہےکہ علامہ اقبال انڈسٹریل سٹی کو ترجیحی بنیادوں پر مکمل کیا جارہا ہے۔ جبکہ اس میں400 سے زیادہ صنعتیں قائم ہونگی جن سے 250,000 افراد کو روزگار کے مواقع میسر آئیں گے۔