حکومت سی پیک اور ریکوڈک منصوبوں پر کام کی رفتار کو تیز کرے گی،وزیر اعظم شہبازشریف

وزیر اعظم شہباز شریف نے کونسل آف پاکستان نیوز پیپرز ایڈیٹرز (سی پی این ای) کے وفد کے ساتھ ملاقات میں کہا ہے کہ حکومت چین پاکستان اقتصادی راہداری (سی پیک) منصوبوں کو تیز رفتاری سے مکمل کرنے کے لیے کوشاں ہے۔ انہوں نے سی پیک اور ریکوڈک پراجیکٹس کو پایہ تکمیل تک پہنچانے کے لیے اپنی حکومت کے عزم کا اعادہ کیا۔ مزید برآں، انہوں نے کہا کہ حکومت تمام ممالک بالخصوص مسلم برادر ریاستوں کے ساتھ احترام اور باہمی مفادات کی بنیاد پر تعلقات قائم کرنے کی خواہاں ہے۔