حکومت سی پیک منصوبہ کے دوسرے مرحلے کے تحت غربت کے خاتمے اور صنعتی و زراعتی تعاون پر خاص توجہ دے گی۔۔۔۔۔

APP57-23 ISLAMABAD: October 23 – Federal Minister for Planning, Development & Reform Makhdum Khusro Bakhtyar talking to Australian High Commissioner, Dr. Geoffrey Shaw who called on him. APP

آسٹریلیا کے ہائی کمشنر برائے پاکستان ڈاکٹر جیوفرے نے اسلام آباد میں وفاقی وزیر منصوبہ بندی و ترقی مخدوم خسرو بختیار سے خصوصی ملاقات کی۔اس دوران وفاقی وزیر منصوبہ بندی نے دو طرفہ تعلقات اور بیرونی سرمایہ کاری پر تبادلہ خیال کرتے ہوئے کہا کہ حکومت انفارمیشن ٹیکنالوجی،مصنوعی ذہانت،سیاحت اور زراعتی شعبوں کو فروغ دینے کےعلاوہ گوادر بندرگاہ پر خاص توجہ دے کر تعمیر و ترقی کے ایک نئے دور کا آغاز کرنے کا عزم رکھتی ہے۔انہوں نے آسٹریلین ہائی کمشنر سے مزید گفتگو کرتے ہوئے کہا چائینہ-پاکستان اقتصادی راہداری منصوبہ کے دوسرے مرحلے سے نہ صرف سماجی و اقتصادی شعبہ مستحکم ہو گا بلکہ اس سے پاکستان کے عوام کی معیارِ زندگی پر بھی دوررس اثرات مرتب ہونگے۔انہوں نے مزید کہا سی پیک منصوبہ میں پاکستان کی معیشت کو استحکام بخشنے کی پوری صلاحیت موجود ہے اور اس کے اگلے مرحلے میں حکومت سماجی ترقی،زراعت اور صنعتی تعاون کو خاص طور پر ملحوظ نظر رکھے گی۔