حکومت نے سیالکوٹ میں خصوصی اقتصادی زون کے لیے مکمل سہولیات کی فراہمی کی یقین دہانی کرادی۔

ذرائع ابلاغ سے گفتگوکرتے ہوئے وزیراعظم کے معاون خصوصی برائے امورِ نوجوانان عثمان ڈار نے کہا ہےکہ حکومت تاجر برادری کو درپیش مسائل کے حل کے لیے تمام ضروری اقدامات اٹھا رہی ہے۔ انہوں نے شرکاء کو آگاہ کیا کہ مقامی برآمد کنندگان معیشت کو مضبوط بنانے میں اہم کردار ادا کر رہے ہیں۔ انہوں نے یہ بھی کہا کہ سیالکوٹ میں 17 ارب روپے مالیت کے منصوبے جاری ہیں جن میں نئےخصوصی اقتصادی زون کے قیام کا منصوبہ بھی شامل ہے۔