خصوصی اقتصادی زونز ملک میں اقتصادی سرگرمیوں کو بھرپور طور پر فروغ دیں گے۔

علامہ اقبال انڈسٹریل سٹی میں میڈیا سے خطاب کرتے ہوئے پنجاب کے وزیر صنعت و تجارت اسلم اقبال نے کہا کہ سی پیک خصوصی اقتصادی زونزپاکستان کی معاشی ترقی کو مستحکم کر رہے ہیں۔ انہوں نے مزید کہا کہ اس زون کو مقامی اور غیر ملکی سرمایہ کاروں کی اولین ترجیح بنایا جانا چاہیے تاکہ سرمایہ کاری اور سرگرمیوں کو آسان بنایا جا سکے کیونکہ یہ منصوبہ پاکستان کی صنعتی ترقی میں ایک سنگ میل کی حیثیت رکھتا ہے۔ انہوں نے تین سالوں میں معاشی خوشحالی کے لیے کی جانے والی ٹھوس کوششوں کا بھی ذکر کیا۔