خصوصی اقتصادی پارک کی حیثیت سے راشکئی اقتصادی زون کو خاص ترجیح دی جارہی ہے،چیف ایگزیکٹو جاوید خٹک۔

خیبرپختونخوا اکنامک زون ڈویلپمنٹ اینڈ منیجمنٹ کمپنی کے چیف ایگزیکٹو آفیسر جاوید خٹک نے میڈیا سے خطاب کے دوران کہا ہے کہ صوبہ کے دارالحکومت کے قریب تقریباً  ایک ہزار ایکڑ رقبے پر پھیلے ہوئے ایک خصوصی اقتصادی پارک کی حیثیت سے صوبہ کے پی کے راشکئی ایس ای زیڈ کو خاص ترجیح دےرہی ہے۔ انہوں نے مزیدکہا کہ یہ خصوصی اقتصادی زون مقامی لوگوں کے لئے دو لاکھ روزگار کے مواقع پیدا کرے گا۔ انہوں نے مزید کہا کہ فارماسیوٹیکلز ، ٹیکسٹائل ، فوڈ اینڈ بیوریجز ، سٹیل اور انجینئرنگ سے متعلق مختلف شعبوں کےصنعتوں کے قیام کے لئے کمپنیوں کے لئے آن لائن درخواستیں جاری ہیں۔ مزید برآں انہوں نے کہا کہ صوبے کے قدرتی وسائل کو بھی استعمال میں لایاجائے گا۔