دوستی کے عظیم رشتے سے مربوط چینی شہریوں کی پاکستان میں مستحق خاندانوں کے لئے اشیائے خوردنوش کا عطیہ۔

یہ ایک مسلمہ حقیقت ہے کہ پاک چین دوستی وقت آزما ہے اور دونوں ممالک کے مابین یہ قربت خلوص ، عزم اور اعتماد پر مبنی ہے۔ ہر طلوع ہونے والی نئی صبح اس عظیم رشتے کو مزید مستحکم اور توانا بنانے کی نوید لے کر آتی ہے۔ واضح رہے کہ کووڈ-19 کے سبب پیدا ہونے والی صورتحال میں چین کی جانب سے اخلاقی مدد و معاونت اور مستقل حمایت قابل ستائش ہے۔ یہاں تک کہ چینی عوام اس مشکل گھڑی میں بھی اپنے پاکستانی دوستوں کی مدد میں پیش پیش ہیں اور لاک ڈاؤن سے متاثرہ خاندانوں کے لئے امدادی سامان عطیہ کر رہے ہیں۔ پاک بحریہ کے بحری جہازوں کے ذریعے سے چینی دوستوں کی جانب سے عطیہ کردہ گندم کا آٹا ، چینی اور خوردنی تیل کومستحق خاندانوں میں تقسیم کے لئے کراچی سے گوادر پہنچا دیا گیا ہے۔