راشکئی خصوصی اقتصادی زون صنعتی کاری کو فروغ دینے کے لئے نہایت اہمیت کا حامل، ڈائریکٹر، کے پی ای زیڈ ڈی ایم سی۔

ذرائع ابلاغ سے گفتگو کرتے ہوئے خیبر پختونخواہ اکنامک زون ڈویلپمنٹ اینڈ مینجمنٹ کمپنی (کے پی ای زیڈ ڈی ایم سی) کے پراجیکٹ ڈائریکٹر جاوید خٹک نے کہا ہے کہ راشکئی خصوصی اقتصادی زون پاکستان کے لئے گیم چینجر ہے اور یہ 4 ارب امریکی ڈالر کی بیرونی سرمایہ کاری کو راغب کرے گا جس سے اگلے تین سال کے دوران 200,000 سے زیادہ ملازمتیں پیدا ہوں گی۔ انہوں نے مزیدکہا کہ اس سے صنعتی نظام کو تقویت ملے گی اور خصوصی اقتصادی علاقوں کی تعمیر و ترقی کی راہ ہموار ہوگی اور پاکستان اور باقی دنیا کے مابین تجارتی حجم میں اضافہ ہوگا۔ انہوں نے یہ بھی کہا کہ اس خصوصی اقتصادی زون میں سرمایہ کاری کرنے والی کمپنیوں اور فرمز کو 10 سال کے لئے انکم ٹیکس اور مشینری کی درآمد پر کسٹم ڈیوٹی سے استثنیٰ حاصل ہے۔ مزید برآں انہوں نے اپنے مقام کی وجہ سے راشکئی خصوصی اقتصادی زون کی اہمیت کو اجاگر کیا کیونکہ سی پیک روٹ، پشاور ایئر پورٹ، اسلام آباد اور ایم ایل ون پراجیکٹ کے قرب و جوار میں واقع ہونے کے سبب یہ نہایت اہمیت کا حامل تصور کیا جاتا ہے۔