راشکئی خصوصی اقتصادی زون میں آئل سیڈذ ایکسٹرکشن پلانٹ تعمیر کیا جائے گا۔

سی پیک کے تحت راشکئی خصوصی اقتصادی زون میں 600 ملین روپےکی لاگت سے آئل سیڈز ایکسٹرکشن پلانٹ قائم کیا جارہا ہے۔ اس پلانٹ میں روزانہ 300 ٹن تیل نکالنے کی گنجائش ہوگی۔ گوادر پرو میں شائع ہونے والی ایک رپورٹ کے مطابق یہ اقدام اس لیے اٹھایاجارہا ہے کہ چین میں سبزیوں کے تیل کی طلب میں اضافہ ہوا ہے۔ مزید برآں چین پاکستان آزاد تجارتی معاہدہ ٹو کے تحت پاکستانی برآمد کنندگان کو متعدد مراعات فراہم کی جارہی ہیں۔ یہ پلانٹ انجینئر سید محمود قائم کر رہے ہیں ان کا اس ضمن میں کہنا ہےکہ زیتون کے پودے اور سویا بین لگانے سے ملک کو آنے والے سالوں میں چین کی طلب کو پورا کرنے میں مدد ملے گی۔