سابق پاکستانی سفیربرائے چین نغمانہ ہاشمی کی جانب سے چینی گورننس نظام کی تعریف۔

انسٹیٹیوٹ آف ریجنل سٹیڈیز (آئی آر ایس) کے زیر اہتمام منعقدہ ایک گول میز اجلاس سے خطاب کرتے ہوئے سابق پاکستانی سفیر برائےچین نغمانہ ہاشمی نے کہا ہے کہ چینی انتظامی نظام نے عوام کے تحفظات کو دور کرنے کے لئے ایک رائے سازی کا طریقہ کار تشکیل دیا ہے۔ انہوں نے کہا کہ کوئی بھی فیصلہ کرنے سے پہلے متعلقہ اسٹیک ہولڈرز سے مشورہ کیا جاتا ہے۔ مزید برآں انہوں نے 20 ویں صدی کے آخر اور 21 ویں صدی کے اوائل میں چین کے عروج میں چینی حکومت کے کردار کو سراہتے ہوئے کہا کہ حالیہ برسوں میں چین نے پاکستان کے ساتھ اپنے تعلقات کو مزید مستحکم کیا ہے۔