سی پیک افغانستان،چین اور پاکستان میں مشترکہ تعاون کی راہ ہموار کر رہا ہے، ڈاکٹر محمود الحسن خان۔

ایک اہم تجزیہ کار ڈاکٹر محمود الحسن خان لکھتے ہیں کہ جیو اسٹریٹجک منظرنامے میں تیزی سے تبدیلیاں سی پیک کی کامیابی کے لیے راہ ہموار کر رہی ہیں۔ وہ لکھتے ہیں کہ افغانستان کو سی پیک اور بی آر آئی میں شامل کرنے سے چین اور پاکستان دونوں کے لیے فوائد حاصل ہونگےاور اس کی سب سے اہم وجہ یہ ہے کہ بیجنگ پاکستان پر زور دے رہا ہے کہ وہ افغانستان کے ساتھ اپنی سرحدیں کھول دے۔ یہی وجہ ہے کہ ڈاکٹر محمود الحسن خان کا خیال ہے کہ چین علاقائی تجارت اور رابطے کو بڑھانے کے لیے دونوں ممالک کے درمیان بنیادی ڈھانچے کی ترقی میں سہولت فراہم کرے گا۔ انہوں نے اس بات پر روشنی ڈالی کہ افغانستان پہلے ہی گوادر پورٹ کے ذریعے نقل و حمل کے شعبے میں فائدہ اٹھا رہا ہے۔ وہ مزید لکھتے ہیں کہ بیجنگ اور کابل افغانستان اور پاکستان کے شمال مغربی شہر پشاور کے درمیان چین کی معاونت سے بڑی شاہراہ کی تعمیر پر غور کر رہے ہیں اور اسے سی پیک کے روٹ سے جوڑ رہے ہیں۔ انہوں نے اس بات پر زور دیا ہےکہ تینوں ممالک کو باہمی تعاون اور فوائد کے لیے کام کرنا چاہیے۔