سی پیک منصوبہ نے پورے خطے کے لئے اقتصادی ترقی کے مواقع فراہم کیے۔۔۔۔سپیکر، قومی اسمبلی۔

قومی اسمبلی کے سپیکر اسد قیصر نے کہا ہے کہ چائینہ پاکستان اقتصادی راہداری منصوبہ امن و استحکام اور خوشحالی کا مظہر ہے۔ ان خیالات کا اظہار انہوں نے پاکستان انسٹیٹیوٹ فار پارلیمنٹیری سروسز (پی آئی پی ایس) میں 18دسمبر 2019 کو قومی اسمبلی پاکستان کے زیرِ اہتمام ”رول آف پارلیمنٹس اِن سِمٹنگ ریجنل انٹیگریشن” کے موضوع پر منعقدہ ڈائلاگ سے خطاب کرتے ہوئے کیا۔ ان کا مزید کہنا تھا کہ سی پیک منصوبہ نے پورے خطے کی تعمیر و ترقی کی نئی راہیں ہموار کی ہیں جبکہ اِسی میگا پراجیکٹ نے ملک اور پورے خطے میں اقتصادی تغیرات پیدا کیے ہیں۔ اس سمینار کا دوسرا مرحلہ ”سی پیک-اے وِن-وِن سیچویشن فار آل” کے موضوع پر تھا۔جس میں پارلیمانی کمیٹی برائے سی پیک کے چیئرمین شیر علی ارباب اور چینی سفیر برائے پاکستان یاؤ جنگ نے اظہارِ خیال کیا جبکہ اس کی افتتاحی تقریب میں کئی پارلیمنٹیرینز،سرکاری عہدیداران، سفارت کاروں، ماہرین اور معتبر شخصیات نے شرکت کی۔