سی پیک منصوبے نے پاکستان میں سرمایہ کاری کے کثیر مواقع پیدا کیے ہیں، ایمبیسیڈرمسعود خان

امریکی ریاست ٹیکسٹاس کے شہر ڈیلاس میں پاک امریکہ بزنس فورم کی سالانہ ایوارڈ ضیافت کے موقع پر معروف تاجروں اور صنعتکاروں سے خطاب کرتے ہوئے امریکا میں تعینات پاکستانی سفیر مسعود خان نے کہا ہے کہ ہم امریکا اور خلیجی خطے کی ریاستوں کو سرمایہ کاری کی دعوت دے رہے ہیں، چین پہلے ہی سی پیک منصوبوں کے ذریعے پاکستان میں سرمایہ کاری کر رہا ہے، ہم نے خلیجی ممالک کو تیل و گیس، زراعت اور معد نیات کے شعبوں میں سرمایہ کاری کی دعوت دی ہے اور وہ کئی یورپی اور شمالی امریکا کی کمپنیوں کے ساتھ شراکت داری کر کے پاکستان میں مزید سرمایہ لگائیں گے۔