سی پیک پاکستان کی اقتصادی ترقی میں اہم کردار ادا کرے گا: مفتاح اسماعیل

پاکستان کے وزیر خزانہ اور محصولات وزیر مفتاح اسماعیل نے کہا ہے کہ سی پیک پاکستان کی معیشت کو آگے بڑھانے کے ساتھ ساتھ دونوں ممالک کے باہمی تعلقات کو مستحکم کرنے میں نہایت اہمیت کا حامل ثابت ہوگا۔ان خیالات کا اظہار انہوں نےعوامی جمہوریہ چین کے سفارت خانے کی انچارج ڈی افیئرز محترمہ پینگ چنکسو سے فنانس ڈویژن میں ہونے والی ملاقات میں کیا۔ مفتاح اسماعیل نے مہمان کو خوش آمدید کہا اور عوامی جمہوریہ چین کے لیے نیک خواہشات کا اظہار کیا۔ انہوں نےسی پیک کے سلسلے کو آگے بڑھانے میں مکمل مدد کے لیے اپنے مکمل تعاون کا وعدہ کیا۔ محترمہ پینگ چنکسو نے وزیرخزانہ کو ان کی نئی ذمہ داریوں پر مبارکباد دی اور نئی حکومت کے لیے نیک خواہشات کا اظہار کیا۔ وزیر نے چارج ڈی افیئرز کا شکریہ ادا کیا اور دو طرفہ تعلقات کو مضبوط بنانے کی ضرورت پر زور دیا۔ انہوں نے پاکستان میں مختلف منصوبوں میں چینی کمپنیوں کو سہولت فراہم کرنے پر حکومت پاکستان کا شکریہ بھی ادا کیا۔