سی پیک کووڈ-19 سے قطع نظر ترقی و خوشحالی کی راہ پر گامزن۔

کووڈ۔19 کے پھیلاؤکے دوران مشکل حالات کا سامنا کرنے کے باوجودچین-پاکستان اقتصادی راہداری اب بھی ترقی کی راہ پر خوش اسلوبی سےگامزن ہے اور پاکستان کی سماجی و معاشی ترقی میں اپنا بھرپورحصہ ڈال رہا ہے۔واضح رہے کہ پاکستان اور چین کے مابین حقیقی وابستگی اور پختہ عزائم کے ثمرات کا ہی نتیجہ ہے کہ یہ منصوبہ کووڈ ۔19 کے درمیان بلا تعطل ترقی کر رہا ہے۔مزید برآں کووڈ-19 کے خلاف جنگ میں چین کی بے مثال فتح نے سی پیک کے کام میں تسلسل سے پیش رفت کی راہ ہموار کردی ہے۔ سی پیک ڈویلپمنٹ اتھارٹی کا قیام اور فوج کی جانب سے سیکیورٹی کی نگہبانی سے سی پیک پر آسانی سے عمل درآمد کویقینی بنایا گیاہے۔ علاوہ ازیں ناول کورونا وائرس تاحال اس منصوبے پر کم سے کم اثرانداز ہوا ہے اور اس منصوبے کی بروقت تکمیل پر دو طرفہ طور پر خاص توجہ مرکوز ہے۔