سی پیک کی 10 سالہ تقریبات کے تحت دو روزہ عالمی کانفرنس کا انعقاد۔

سی پیک کی 10 سالہ تقریبات کے تحت چین پاکستان اکنامک کوریڈور (سی پیک) اور بیلٹ اینڈ روڈ انیشیٹو ( بی آر آئی) کے وژن سے حقیقت تک کی دہائی‘‘ کے موضوع پر دو روزہ بین الاقوامی کانفرنس کا آغاز اسلام آباد میں ہوا۔ کانفرنس کا انعقاد وزارت منصوبہ بندی اور جمہوریہ چین کے سفارت خانے کے تعاون سے کیا ہے۔ کانفرنس کا مقصد سی پیک اور بی آر آئی کے اقتصادی، سماجی، ماحولیاتی اور جغرافیائی سیاسی اثرات سے متعلق نظریات اور بصیرت کا تبادلہ کرنے کے لیے پالیسی سازوں، اسکالرز، پریکٹیشنرز اور دیگر اسٹیک ہولڈرز کو اکٹھا کرنا ہے۔کانفرنس کے مہمان خصوصی وفاقی وزیر برائے منصوبہ بندی ترقی و خصوصی اقدامات پروفیسر احسن اقبال اور چینی ناظم الامور پینگ چن ژو ہیں۔ کانفرنس کے تحت مختلف سیشن منعقد کیے جا رہے ہیں جن میں اہم پالیسی ساز سی پیک کا وسیع جائزہ لے رہیں ہیں۔