سی پیک کے تحت تعمیر و ترقی کا سفر کووڈ-19 سے قطع نظر خوش اسلوبی سےآگے بڑھ رہا ہے، ترجمان دفتر خارجہ۔

میڈیا بریفنگ میں گفتگو کرتے ہوئے ترجمان دفتر خارجہ عاصم افتخار نے کووڈ-19 وبا اور چینی کارکنوں کی سیکیورٹی خدشات کے باعث سی پیک کی سست روی سے متعلق میڈیا رپورٹس کو مسترد کردیا۔ انہوں نے کہا کہ سی پیک کے بڑے منصوبے کووڈ-19 وبا سے قطع نظر خوش اسلوبی سےآگے بڑھ رہے ہیں۔انہوں نے مزید کہا کہ سی پیک کے تحت وضع کیے گئے 27 منصوبوں پر روشنی ڈالی جو عمل درآمد اور تیاری کے مختلف مراحل میں تھے اور سی پیک کے دائرہ کار کو بڑھا کر زراعت، سائنس اور ٹیکنالوجی اور آئی ٹی تعاون کو بھی اس میں شامل کیا گیا ہے۔ انہوں انہوں نے یہ بھی کہا کہ وزیر اعظم خان 3 فروری سے 5 فروری تک چین کا دورہ کریں گے جس میں دونوں ممالک کی قیادت سی پیک سمیت باہمی دلچسپی کے امور پر تبادلہ خیال کرے گی۔