سی پیک کے تحت خصوصی اقتصادی زونز پاکستان میں تیزی سے صنعت کاری کو فروغ دینے کے علاوہ روزگار کے مواقع پیدا کریں گے۔

کالم نگار احسن منیر لکھتے ہیں کہ سی پیک کےپہلے مرحلے میں سی پیک کے منصوبے بنیادی ڈھانچے کی ترقی اور توانائی کے منصوبوں پر مشتمل تھے۔ جبکہ جوں جوں سی پیک دوسرے مرحلے میں داخل ہوا ہے اس میں تیزی سے خصوصی اقتصادی زونز قائم کیے جا رہے ہیں جن سے صنعتی یونٹس قائم ہونے کے ساتھ ساتھ روزگار کے مواقع پیدا ہوں گے اور ملک میں معاشی سرگرمیوں کو فروغ ملے گا۔ احسن منیر مزیدلکھتے ہیں کہ خصوصی اقتصادی زونز میں مراعات کی فراہمی صنعتی ترقی کو فروغ دے گا اور روزگار کے مواقع پیدا کرے گا جو مقامی صنعتوں کی بحالی کی نشاندہی کرتا ہے۔انہوں نے تجویز دی ہے کہ مقامی صنعت کو خصوصی اقتصادی زونز میں بین الاقوامی سرمایہ کاروں کے برابر مراعات اور چھوٹ دی جانی چاہیے۔ انہوں نے یہ سفارشات دیتے ہوئے نتیجہ اخذ کیا ہےکہ سی پیک سے متعلق تمام سرگرمیوں کے لیے ایک ہی ادارے کو نمٹاناچاہیے اور اسے جوابدہ ہونا چاہیے۔