سی پیک کے تحت خیبر پختونخواہ کی تعمیر وترقی کے لئے رشکئی خصوصی اقتصادی علاقہ کلیدی کردار ادا کرے گا۔

خیبر پختونخوا بورڈ آف انویسٹمنٹ اینڈ ٹریڈ (کے پی – بی او آئی ٹی) کے سی ای اوحسن داؤد نے کہا ہے کہ سی پیک کے تحت رشکئی سپیشل اکنامک زون (ایس ای زیڈ) کی ترقی سے خیبر پختونخواہ کی سماجی و اقتصادی ترقی میں کردار ادا کرنے کے لئے مقامی افراد کے لئے روزگار کے مواقع پیدا ہوں گے۔ یہ پہلا ایس ای زیڈ ہے جو پبلک پرائیویٹ پارٹنرشپ میں تیار کیا جارہا ہے۔مزید برآں حسن داؤد نے آگاہ کیا کہ پاک افغان طورخم بارڈر سے قریب ہونے کی وجہ سے اس سپیشل اکنامک زون کے اندر پیدا ہونے والی اشیاء آسانی سے افغانستان برآمد کی جاسکتی ہیں۔