سی پیک کے تحت راشکئی اقتصادی زون میں2,000 سرمایہ کاروں نے سرمایہ کاری میں دلچسپی ظاہر کردی۔

گوادر پرو کے مطابق راشکئی خصوصی اقتصادی زون کے سنگ بنیاد کے موقع پر 2,000 سے زیادہ سرمایہ کاروں نے سرمایہ کاری میں دلچسپی ظاہر کی ہے۔اس اجلاس کی صدارت وزیر منصوبہ بندی ترقیات اور خصوصی اقدامات اسد عمر اور دیگر عہدیداروں نے کی۔اس خصوصی اقتصادی زون میں مناسب جگہ مختص کرنے کے لئے تمام سرمایہ کاروں کی جانب سے اپنے یونٹوں کے قیام کے لئے درخواستوں پر شفاف طریقے سے کارروائی کی جائے گی۔ اجلاس میں خصوصی اقتصادی زون میں اہم پیشرفتوں کا جائزہ بھی لیا گیا۔