سی پیک کے تحت 56 منصوبے کامیابی کے ساتھ شروع کیے گئے،اقتصادی سروےرپورٹ

اقتصادی سروے 2021-22 رپورٹ کے مطابق پاکستانی حکومت سی پیک کے تحت پیش رفت کو ایک طویل المدتی ترقیاتی منصوبے کے طور پر آگے بڑھا رہی ہے کیونکہ اس میں چین کو وسطی ایشیا، مشرق وسطیٰ، افریقہ اور یورپ سے جوڑنے والے متعدد روٹس کے ساتھ ایک راہداری کے طور پر کام کرنے کی صلاحیت ہے۔ سروے 2021-22 میں یہ بھی انکشاف کیا گیا ہے کہ پاکستان اور چین نے سی پیک کے فلیگ شپ کے تحت کامیابی سے 56 منصوبے شروع کیے ہیں اور بی آر آئی کے منصوبے کو سب سے زیادہ فعال طور پر عمل درآمد کے سلسلے کو یقینی بنایا ہے۔ ان منصوبوں میں سے اب تک تقریباً 17 ارب امریکی ڈالر مالیت کے 26 منصوبے مکمل ہو چکے ہیں اور 8.5 ارب امریکی ڈالر کے 30 منصوبے زیر تعمیر ہیں۔ مزید برآں، 28.4 ارب امریکی ڈالر کی تخمینہ لاگت کے تقریباً 36 منصوبے بھی سی پیک کے فریم ورک میں شامل کرنے کے لیے مذاکرات کے مختلف مراحل میں ہیں۔