سی پیک کے خلاف پروپیگنڈہ کا مقابلہ کرنے کے لیے موثر پالیسیاں وضع کرنا وقتِ حاضر کی اہم ضرورت،شکیل رامے

ایک اہم مضمون میں پولیٹیکل اکنامسٹ شکیل احمد رامے نے لکھا ہے کہ حالیہ برسوں میں چین پاکستان تعلقات کے خلاف پروپیگنڈے میں اضافہ ہوا ہے جس میں کئی عوامل کارفرما ہیں جیسا کہ بعض ممالک کے جغرافیائی سیاسی مفادات اور چین مخالف عزائم کا مغرب میں ابھرنا شامل ہیں۔ شکیل رامے نے چین پاکستان تعلقات کی اہمیت پر روشنی ڈالی ہےجو ان کے مطابق دونوں ممالک کے لیے ثمرات کا حامل ہے۔ انہوں نےدونوں ممالک کے درمیان باہمی تعاون کی کوششوں بشمول سی پیک کے سبب پاکستان کو ملنے والے فوائد پر روشنی ڈالی ہے۔مزید برآں،انہوں نے مضمون میں پاکستان اور چین کو اپنی پالیسیوں کو بہتر بنانے اور دو طرفہ تعلقات کے خلاف کسی بھی قسم کے پروپیگنڈے کا ڈٹ کر مقابلہ کرنے کی ضرورت پر زور دیا ہے۔