سی پیک کے دوسرے مرحلے میں سماجی و اقتصادی ترقی اور جدت پر خاص توجہ مرکوز ہوگی،پاکستانی سفیر معین الحق

 چینی میڈیا کو دیئے گئے ایک انٹرویو میں چین میں پاکستانی سفیر معین الحق نے پاکستان کی معیشت اور ترقی پر چین پاکستان اقتصادی راہداری (سی پیک) کے نمایاں کردار اور کامیابیوں پر روشنی ڈالی۔ سی پیک نے بنیادی ڈھانچے کو اپ گریڈ کرکے اور توانائی کی ضروریات کو پورا کرکے پاکستان کے معاشی منظر نامے کو تبدیل کردیا ہے جس کے نتیجے میں رابطے میں اضافہ اور ہموار مواصلات میں اضافہ ہوا ہے۔ 25 ارب ڈالر کی سرمایہ کاری کے ساتھ تقریباً 50 مکمل شدہ منصوبوں نے 200,000 سے زیادہ ملازمتیں پیدا کی ہیں، غربت میں کمی اور آبادی کو بااختیار بنایا ہے۔ ان کا مزید کہنا تھا کہ سی پیک کا دوسرا مرحلہ سماجی و اقتصادی ترقی، سائنس، ٹیکنالوجی، زراعت اور صنعت کاری پر توجہ مرکوز کرے گا۔انہوں نے مزید کہا کہ پاکستان کی ترجیحات میں اعلیٰ معیار کے بنیادی ڈھانچے کی تعمیر، رابطوں کو بڑھانا اور علاقائی اقتصادی انضمام کو فروغ دینا شامل ہے۔ پاکستان بیلٹ اینڈ روڈ انیشیٹو (بی آر آئی) کے وسیع تر تناظر میں اپنے کردار کو نہایت اہمیت کے طور پر دیکھتا ہے جو مشترکہ خوشحالی لاتا ہے اور شراکت دار ممالک کے درمیان علاقائی روابط اور اقتصادی انضمام کو مستحکم کرتا ہے۔