سی پیک کے دوسرے مرحلے میں پاکستان میں دو جہتی حکمت عملی کے تحت معیشت پر خاص توجہ مرکوز کی جائے گی۔

چیئرمین سی پیک اتھارٹی عاصم سلیم باجوہ نے شنہوا نیوز ایجنسی کو انٹرویو دیتے ہوئے قومی معیشت کی بحالی کے لئے دو جہتی حکمت عملی کا خاکہ پیش کیا۔ انہوں نے سی پیک کے دوسرے مرحلے کے تحت اہمیت کے حامل دو شعبوں کی نشاندہی کی۔ ان دونوں شعبوں پر خاص توجہ سے پاکستان کی برآمدات کو فروغ ملے گا اور تجارتی توازن کے مسئلہ حل ہوجائے گا۔ اس مقصد کے لئے ایف ڈی آئی خصوصاً ٹیکنالوجی کی منتقلی کو فروغ دینے کے لئے خصوصی اقتصادی زون قائم کیے گئے ہیں۔ انہوں نے گوادر بندرگاہ اور ایم ایل ون منصوبے کے امکانات پر روشنی ڈالی اور دونوں منصوبوں کے ذریعے سے زیادہ سے زیادہ علاقائی رابطہ سازی کو فروغ دیا جائے گا۔