شیر علی ارباب نے گوادر کو سی پیک کا محور قرار دیا۔

پارلیمانی کمیٹی برائے چین پاکستان اقتصادی راہداری (سی پیک) کے چیئرمین شیر علی ارباب نے 25 ویں اجلاس سے خطاب کرتے ہوئے کہا ہےکہ گوادر سی پیک پراجیکٹ کا سب سے اہم حصہ ہے۔ انہوں نے مزیدکہا کہ انفراسٹرکچر کی تعمیر ، پانی ، صحت ، توانائی کی فراہمی اور سیکیورٹی انتظامات جیسے منصوبوں کی تیزی سے تکمیل کو یقینی بنانا ضروری ہے۔ مزید برآں کمیٹی کو عہدیداروں نے گوادر میں جاری منصوبوں کے حوالے سے بریفنگ دی۔