صدر،وزیراعظم کاپاک،چین دوطرفہ تعلقات کونئی بلندیوں تک لے جانے کاعزم۔

صدر ڈاکٹر عارف علوی نے چین کے صدر شی جن پنگ کو ان کے متفقہ طورپر دوبارہ انتخاب پرمبارک باد دی ہے۔انہوں نے ایک ٹویٹ میں کہاکہ چین کے قریبی دوست اور پائیدار شراکت دار کی حیثیت سے ہم صدر شی جن پنگ کے ساتھ مل کر اپنے تعلقات کو نئی بلندیوں پرلے جانے کے خواہاں ہیں ۔انہوں نے چین کے نائب صدر کا عہدہ سنبھالنے پر ہان ژینگ کو بھی مبارک باد دی ۔وزیراعظم محمد شہبازشریف نے لی چیانگ کو چین کا نیا وزیراعظم منتخب ہونے پر مبارک باد دی ہے۔انہوں نے ایک ٹویٹ میں پاکستان اور چین کے مشترکہ سٹرٹیجک تعاون کو مزید مستحکم کرنے کی خواہش کااظہارکیا ۔