عاصم سلیم باجوہ اور گورنر سندھ کی ملاقات۔۔۔سی پیک گیم چینجر اہمیت کا حامل قرار۔

وزیر اعظم کے معاون خصوصی اور چیئرمین سی پیک اتھاٹی لیفٹیننٹ جنرل (ر) عاصم سلیم باجوہ نےگورنر سندھ ہاؤس میں گورنر سندھ عمران اسماعیل کے ساتھ ہونے والی ملاقات میں سی پیک کو پاکستان کے لئے گیم چینجر اہمیت کا حامل قرار دیا ہے۔ تفصیلات کے مطابق اس موقع پر دونوں شخصیات نے کراچی سرکلر ریلوے اور تھر کول پاور جنریشن پلانٹوں کے ساتھ ساتھ دیگر منصوبوں میں چینی سرمایہ کاری پر تبادلہ خیال کیا۔ مزید برآں انہوں نے امید ظاہر کی کہ منصوبوں کی کامیابی سے تکمیل سے پورے خطے میں خوشحالی آئے گی۔