قومی اسمبلی کے سپیکر اسد قیصر کی بزنس کمیونٹی اور سول سوسائٹی کو سی پیک کمیٹی میں شمولیت کی دعوت۔۔۔۔۔۔

چائینہ-پاکستان اقتصادی راہداری منصوبہ کے چھ سالہ سفر کے حوالے سے منعقدہ سیمینار سے خطاب کرتے ہوئے قومی اسمبلی کے سپیکر اسد قیصر نے خطاب کرتے ہوئے سی پیک کو پاکستان کی اقتصادی ترقی کے لئے نہایت ہی اہمیت کا حامل قرار دیا ہے۔انہوں نے مزید کہا ہے کہ سی پیک کا دوسرا مرحلہ ٹیکنالوجی اور سماجی-اقتصادی شعبے کی ترقی کے لئے نیک شگون ثابت ہوگا جبکہ حکومت سی پیک کمیٹی کا قیام عمل میں لانے کا عزم رکھتی ہے جس میں بزنس کمیونٹی اور تھنک ٹینک اور محققین کو شامل کیا جائے گا جس کے سبب مثبت نتائج برآمد ہونگے۔اسی طرح چینی سفیر برائے پاکستان یاؤ جنگ نے چائینہ-پاکستان اقتصادی راہداری منصوبہ کو بیلٹ اینڈ روڑ انشی ایٹیو کی کامیابی سے ہمکنار ہونے کے حاصل ہونے والے ثمرات کا مظہر قرار دیا ہے۔اس سیمینار میں مقررین نے سی پیک منصوبہ کے معیشت پر پڑنے والے مثبت اثرات پر روشنی ڈالی اور امید ظاہر کی کہ مستقبل میں یہ میگا پراجیکٹ خطے میں تعمیر و ترقی اوراقتصادی رابطہ کاری کے لئے نہایت مددگار ثابت ہوگا۔