لاہور میں چائینہ سینٹر اور سی پیک ٹاور تعمیر کیا جائے گا۔

چین پاکستان اقتصادی راہداری (سی پیک) اتھارٹی کے چیئرمین لیفٹیننٹ جنرل (ر) عاصم سلیم باجوہ نے وزیر اعلٰی پنجاب سردار عثمان بزدار سے ملاقات کی اور دونوں نے باہمی دلچسپی کے امور پر تبادلہ خیال کیا۔اس ملاقات کے دوران نے لاہور میں چائینہ سنٹر اور سی پیک ٹاور کی تعمیر پر اتفاق کیا اور زراعت کے شعبے میں بیج کی ترقی اور تحقیقی کام کو فروغ دینے کا بھی فیصلہ کیا۔ وزیراعلیٰ عثمان بزدار نے غیر ملکی سرمایہ کاروں کے لئے کاروبار کے ماحول کو بہتر بنانے کے لئے حکومت کے تعاون کے عزم کا اعادہ کیا۔ عاصم باجوہ نے اس موقع پر کہا کہ سی پیک کی وجہ سے پاک چین دوطرفہ تعلقات میں مزید بہتری لائی گئی ہے۔