مٹیاری-لاہور ٹرانسمیشن پراجیکٹ کی تکمیل سے دیرپا پاک چین دوستی کو مزید تقویت ملے گی۔

نیشنل ٹرانسمیشن اینڈ ڈیسپچ کمپنی (این ٹی ڈی سی) کے بیان کے مطابق 660 کلو واٹ ایچ وی ڈی سی سی پیک پاور پراجیکٹ مٹیاری-لاہور ٹرانسمیشن کو ملک کے جنوب میں بجلی گھروں سے بجلی کی ترسیل کے تصور کے تحت قائم کیا گیا ہے۔ اس میں مزید کہا گیا ہے کہ یہ پراجیکٹ 25 سال تک پاک ایم ایل ٹی سی کی ملکیت میں ہوگا اور اس کے بعد اسے این ٹی ڈی سی کو منتقل کردیا جائے گا۔ ایچ وی ڈی سی پاکستان میں ایک نئی ٹیکنالوجی ہے اور دنیا بھر میں طویل فاصلے تک ٹرانسمیشن میں استعمال ہورہی ہے۔ فی الحال اس منصوبے کی تعمیر تقریباً مکمل ہوچکی ہے اور پراجیکٹ جانچ اور کمیشن کے جدید مراحل میں ہےاور جانچ اور کمیشننگ کا 95فیصد سے زیادہ کام مکمل ہوا ہے۔