نائب وزیراعظم اسحاق ڈار کی چینی سفیر سے اہم ملاقات، دوطرفہ تعلقات پر تبادلہ خیال

نائب وزیراعظم اور وزیر خارجہ اسحاق ڈار سے اسلام آباد میں عوامی جمہوریہ چین کے سفیر جیانگ زائی ڈونگ نے ملاقات کی ہے۔ وزارتَ خارجہ کے ترجمان نے بتایا کہ نائب وزیراعظم اسحاق ڈار اور چینی سفیر جیانگ زائی ڈونگ نے باہمی دلچسپی کے دو طرفہ امور اور علاقائی صورتحال پر تبادلہ خیال کیا۔ نائب وزیراعظم اسحاق ڈار نے چین کے ساتھ سٹریٹیجک تعاون پر مبنی شراکت داری کو مزید مضبوط بنانے کا اعادہ کیا۔