وزارتِ تجارت کی جانب سے چائینہ-پاکستان آزاد تجارتی معاہدہ-II کے مواقعوں کے حوالے سے مشترکہ طور پر سیمینار کا انعقاد۔۔۔۔۔۔

وزارتِ تجارت کے جوائینٹ سیکریٹری(فارن ٹریڈ-1) ڈاکٹر ایم حامد علی نے چائینہ-پاکستان آزاد تجارتی معاہدہ-II کے مواقعوں کے حوالے سے مشترکہ طور پر منعقدہ سیمینار میں تبادلہ خیال کیا ہے۔ اس موقع پر ان کا کہنا تھا کہ پاکستان نے چائینہ پاکستان آزاد تجارتی معاہدےکے دوسرے مرحلے کے ثمرات کے سبب پاکستان کی 83 فیصد برآمدات کو تجارتی لیبرلز کیا گیا ہے جس کے سب پاکستانی اشیاء کو ٹیرف ڈیوٹیز سے چھٹکارا مل جائے گا۔ جبکہ پہلے مرحلے میں یہ لیبرلیزیشن صرف 41 فیصد تھے۔ ڈاکٹر ایم حامد علی نے مزید کہا کہ پاکستان اگر 313 مصنوعات کی ٹیرف لائینز پر 5فیصد منڈی کےحصص حاصل کرنے میں کامیابی حاصل کرتا ہے تو ملکی درآمدات میں 2۔3 ارب ڈالر کا اضافہ ہوجائے گا۔یاد رہے کہ ”چائینہ-پاکستان فری ٹریڈ ایگریمنٹ فیز-II بزنس اینڈ ایکسپورٹ اوپورچنٹیز فار پاکستان” کے موضوع پر منعقدہ سیمینار کا انعقاد وزارتِ تجارت اور ٹریڈ ڈویلپمنٹ اتھارٹی آف پاکستان (ٹی ڈی اے پی) نےمشترکہ طور پر کراچی میں کیا۔