وزیراعظم عمران خان نے سی پیک کے تحت لودھراں-ملتان ہائی وے کا افتتاح کر دیا۔

وزیر اعظم عمران خان نے 62 کلو میٹر طویل لودھراں-ملتان شاہراہ کا افتتاح کرتے ہوئے کہا کہ سی پیک کامیابی سے دوسرے مرحلے میں داخل ہوگیا ہے۔ انہوں نے مزیدکہا کہ اس میں چینی کمپنیاں اپنی صنعتوں کو پاکستان کے خصوصی اقتصادی زونز میں منتقل کریں گی جو ملک میں معاشی نمو کو مستحکم کرنے کے لئے نیک شگون ثابت ہوگا۔ اس تقریب میں وزراء اور دیگر اعلٰی سرکاری عہدیداروں نے شرکت کی۔ اس موقع پر موجود وزیر مواصلات مراد سعید نے کہا کہ یہ سی پیک مغربی روٹ کا ایک حصہ ہے جس سے ملک کے پسماندہ علاقوں میں خوشحالی لانے میں مدد ملے گی۔