وزیراعظم عمران خان نے سی پیک کے دائرہ کارکو افغانستان اور دیگر ممالک تک بڑھانے کی ضرورت پر زور دیا۔

اقتصادی تعاون تنظیم کے 14 ویں سربراہی اجلاس میں اپنے افتتاحی کلمات میں وزیر اعظم عمران خان نے اس بات پر زور دیا ہے کہ مشرق اور مغرب کی بڑی معیشتوں کے مابین تجارت کو آسان بنانے کے لئے علاقائی ممالک کو ایک مربوط ٹرانسپورٹ نیٹ ورک تیار کرنا چاہئے۔ انہوں نے مزید کہا کہ سی پیک پہلے سے ہی سرحد پار رابطوں کو یقینی بنا رہا ہے اور ای سی او ممبروں کو پہلے سے طے شدہ سرحد پار منصوبوں پر عمل درآمد کرنے کی ضرورت ہے۔علاوہ ازیں انہوں نے کہا کہ تجارتی رابطے کو یقینی بنانے کے لئے ازبکستان- افغانستان-پاکستان ریلوے رابطے اور سی پیک کو افغانستان سے مربوط مستقبل کے منصوبوں کے طور پر منسلک کرنے کی ضرورت ہے۔