وزیراعظم عمران خان کی جانب سے چینی طیارہ حادثے میں جاں بحق افراد کے لواحقین سے دلی تعزیت کا اظہار۔

وزیراعظم عمران خان نے کہا ہے کہ پاکستان جنوبی چین میں چائنا ایسٹرن مسافر طیارے کے حادثے پر بیجنگ کے غم میں برابر کا شریک ہے جس میں 132 افراد جاں بحق ہوئے ہیں۔ انہوں نے متاثرین کے اہل خانہ سے دلی تعزیت اور ہمدردی کا اظہار کیا۔ علاوہ ازیں وزیر خارجہ شاہ محمود قریشی نے گزشتہ روز چین کے سٹیٹ کونسلر وانگ یی سے ملاقات میں چین میں طیارے کے افسوسناک حادثے پر پاکستان کی طرف سے تعزیت کا اظہار کیا۔