وزیراعظم عمران خان کی جانب سے چین کی غربت خاتمے کی حکمت عملی قابلِ ستائش قرار، صدر ژی جن پنگ کو اہم کامیابی پر مبارکباد پیش۔

وزیراعظم پاکستان عمران خان نے ایک ٹویٹ میں صدر ژی جن پنگ اور چینی حکومت کو ملک میں غربت کے خاتمے کے اہم کارنامے پر مبارکباد پیش کی ہے۔ تفصیلات کےمطابق انہوں نے اس فتح کو بے مثال قرار دیتے ہوئے کہا کہ چین نے گزشتہ 35 سالوں میں 750 ملین افراد کو انتہائی غربت سے نکال کر حیرت انگیز کارنامہ سر انجام دیا ہے۔مزید برآں انہوں نے کہا کہ چینی تجربات ترقی پذیر ممالک خصوصاً پاکستان کے لئے رہنمائی کا ذریعہ ثابت ہوسکتے ہیں۔