وزیرمنصوبہ بندی و ترقی احسن اقبال نے علاقائی روابط اور ترقی میں سی پیک تعاون کو سراہا۔

بیجنگ میں وزیر منصوبہ بندی و ترقی احسن اقبال نے چین کے قومی ترقی اور اصلاحاتی کمیشن (این ڈی آر سی) کے وائس چیئرمین لی چنلن کے ساتھ ملاقات کی تاکہ سی پیک کے آئندہ مرحلے کی ہموار اور اعلیٰ معیار کی ترقی کو یقینی بنایا جاسکے۔ وزیر نے دونوں ممالک کی قیادت کی تزویراتی رہنمائی کی تعریف کی جس نے پاکستان کی اقتصادی ترقی کے ساتھ ساتھ علاقائی روابط اور ترقی میں بھی کردار ادا کیا ہے۔ دونوں فریقین نے گوادر پورٹ پر اہم منصوبوں کی کامیابی سے تکمیل پر اطمینان کا اظہار کیا اور اسے بین الاقوامی تجارت اور علاقائی روابط کا مرکز بنانے کے لیے رفتار جاری رکھنے پر اتفاق کیا۔ وزیر نے این ڈی آر سی اور دیگر متعلقہ چینی حکومتی اداروں سے قیادت کے اتفاق رائے کے مطابق توانائی کے ایم ایل ون اور کے سی آر اہم منصوبوں کے نفاذ کو فروغ دینے کے لیے بھرپور تعاون کی درخواست کی۔