وزیر اعظم عمران خان کی ہواوے کمپنی کو قابل اور ہونہار پاکستانیوں کو روزگار فراہم کرنے کی استدعا۔۔۔۔

وزیراعظم عمران خان نے معروف چینی آئی ٹی کمپنی ہواوے کے اعلٰی عہدیداران کو پاکستان میں نئی ای-پالیسی کے تحت پیدا کیے گئے تجارتی مواقعوں سے آگاہ کرنے کے لئے وزیراعظم آفس مدعو کیا۔ اس موقعے پر ہواوے کے سپروائزری بورڈ کے چئیرمین لی جی اور دیگر وفد کے ارکان نے عمران خان سے ملاقات کی۔ وزیر اعظم عمران خان نے ہواوے کمپنی کو پاکستان کے ذہین نوجوانوں کو آگے بڑھنے کے لئے مواقع فراہم کرنے کی خواہش کا اظہار کیا اور پاکستان کے قابل اور ہونہار نوجوانوں اور افرادی قوت کی صلاحیتوں کو بین الاقوامی کمپنیوں کے لئے منافع بخش قرار دیا۔ اس موقع پر کمپنی نے اپنے پیداواری پلانٹس کو پاکستان منتقل کرنے کے لئے اپنی کاوشوں کو بروئے کار لانے کے عزم کا بھی اعادہ کیا۔