وزیر اعظم عمران خان کے دورہ چین سے پاکستان میں صنعت کاری کے نئے دور کا آغاز ہوگا،معین الحق۔

چین میں تعینات پاکستان کے سفیر معین الحق نے میڈیا سے گفتگو کرتے ہوئے کہا ہےکہ چین کے اعلیٰ حکام نے بیجنگ سرمائی اولمپکس 2022 کی افتتاحی تقریب میں شرکت کے لیے وزیراعظم خان کے دورہ چین کے فیصلے کا خیر مقدم کیا ہے جبکہ وزیراعظم اپنے دورے کے دوران چین کے صدر،وزیر اعظم اور اعلیٰ چینی تاجروں سے ملاقاتیں کریں گے۔ جس میں چین کے متعدد ادارے جو آئی ٹی، ہاؤسنگ، صحت کی دیکھ بھال، تیل اور گیس کے شعبوں میں سرمایہ کاری کے خواہشمند ہیں کو سی پیک کے تحت پاکستان میں سازگار کاروباری ماحول کے بارے میں آگاہ کیا جائے گا۔